Sida ay ku warantay Daily Express kooxda Arsenal ayaa dooneysa iney kasii taxadarto qatarta dhaawac ee lasoo darsi karta daafaceeda iyadoo u dhaqaaqday soo xerogalinta daafaca kooxda Celtic Virgil van Dijk.
Daafacaan heeraka caalami ayaa mudo badan lala xiriirinayay kooxdaan ka dhisan waqooyiga London, inkastoo xagaagan ay isku dayeen, balse kooxdiisa ayaan u ogolaan inuu ka dhaqaaqo.
Virgil van Dijk oo u dhashay dalka Holland ayaa lagu heli karaa sida la rajeynayo 8 Malyan Oo Pound, waana qiimo ka yar qiimaha uu ku doonayo daafacyada kale ee ay kooxda u baahan tahay.
Dhanka kale Arsenal haatan waxey qarka u saaran tahay iney dhibaato daafac la’aan la kulanto madama ay xanuunsanayaan Debuchy iyo Monrreal, waxaana kaliya u badqaba, Gibbs, Koscielny, Mertesacker & Chambers.
Ugu dambeyntii Arsenal waxey hogaanka u heysaa loolanka xidigaan loogu jiro waxaana la filayaa in xidigaan uu bisha January kasoo dago garoonka Emirates.
