Ciyaartii xalay dhexmartay xulalka Albania iyo Serbia ayaa la hakiyay kadib markii ay faraha la gashay Siyaasad uu sababay daafaca xulka Serbia Stefan Mitrovic isagoo dhulka soo dhigay calan ay waday diyaarad yar oo aan duuliye laheyn oo garoonka dhexdiisa lagu sii daayay.
Xiriirka UEFA ayaa horay u ganaaxay taageerayaasha xulka Albania iney ka qeyb galaan kulankaan sababo dhanka siyaasada oo laga cabsi qabay balse waxaa la ogolaaday in labada xul ay kulmaan inkastoo markii xidiga Stefan Mitrovic uu dhulka soo dhigay calanka ay isku dhacyo u dhaxeeya ciyaartoyda yimaadeen walow ay jamaahiirta Serbia lug ku yeesheen.
Garsoore Martin Atkinson oo ahaa garsoorihii ciyaarta ayaa ku dhawaaqay in la hakiyo ciyaarta, kadib markii ciyaartoyda Albania ay si orod ah ku galeen Tunelka laga soo baxo marka garoonka lasoo galayo.
Dalka Serbia ayaa diiday inuu aqoonsado Kosovo oo xornimado qaatay sanadii 2008, iyadoo 7-ka mid ah ciyaartoyda Albania ay ku dhasheen gobolka Kosovo.
Kabtanka xulka Aleksander Kalorov ayaa muujiyay sida uu u jecel yahay ineysan waxyeelo dhicin isagoo sameeyay ficil ku dayasho mudan madama uu xidigaan isku dayay ineysan jamaahiirta waxyeelo u geysan xidigaha Albania.
