Daafacii hore kooxaha reer London ee kala ah Chelsea, Arsenal & Tottenham Hotspur William Gallas ayaa ku dhawaaqay inuu isaga fariistay kubada cagta maanta.
William Gallas ayaa waqti fiican lasoo qaatay kooxaha Premier League iyo xulkiisa Faransiiska inkastoo uu kaliya laba horyaal la qaaday kooxda Blues sanadahii 2004/2005 iyo 2005/2006.
“Ma fududa inaad ku dhawaaqdo” Ayuu 37-jirkaan yiri, “Waxaad mar walba nafsadaada u sheegeysaa inaad horay u socoto, balse maanta wax badan horay uma socon karo” Ayuu mar kale yiri.
William Gallas wuxuu kubada cagta soo bilaabay 1995, isagoo kasoo bilaabay kooxda Caen ee dalka faransiiska, sidoo kalana 84-kulan ayuu u saftay xulka faransiiska, waxaana ka mid ahaa gool muran badan dhaliyay oo uu xulka Faransiiska ugu soo saaray koobkii Aduunka ee 2010, madama kubad uu gacanta kusoo celiyay Henry uu dhameystiray.
Gallas wuxuu sanadihii 1997 ilaa 2001 ka mid ahaa kooxda Marsielle ee dalka faransiiska ka hor inta uusan usoo guurin garoonka Stamford Bridge kuna biirin Chelsea halkaas oo uu ku qaaday labadii koob ee EPL-ka, balse sanadii 2006 ayuu ku biiray Arsenal isagoo qeyb ka noqday heshiiska uu Ashley Cole ku aaday Chelsea.
Sidoo kale sanadii 2010 wuxuu ku biiray Tottenham Hotspur, inkastoo bishii October ee sanadii hore uu heshiis hal sano ah u saxiixay kooxda Perth Glory ee dalka Australia.
SAWIRO DHEERI AH:
