Halyeeyga reer Argentina Diego Maradona ayaa bilaabay inuu markale ka dhawaajiyo oraah soo jiidasho leh kadib markii uu sheegay in labada xidig ee aduunka ugu wanaagsan ay tayo ahaan isku mid yihiin.
Diego Maradona ayaa ka dhawaajiyay in Messi iyo Ronaldo ay isku heer yihiin sidoo kalena wuxuu halyeegan sheegay in mararka qaar awood ahaan iyo laadadka banaanka laga dhaliyo uu Ronaldo ku wanaagsan yahay.
Maradona oo la hadlaayay Sky Sports wuxuu yiri “Arinka ma ahan Messi ayaa ka wanaagsan Ronaldo ama Ronaldo ayaa ka wanaagsan”
“Balse waxaan u maleynaa in labadan xidig ee isku heer yihiin tayo ahaan”
“Laakiin marka ay timaado goosha horteeda Ronaldo ayaa ku halisan weliba goolhayeyaash Ronaldo ayay ka baqaan”
“Cristiano laadkiisa awooda badan iyo jir ahaan sida uu diyaarsan yahay dhankaas isaga ayaa Messi kaga wanaagsan”
“Waxaana dhihi karaa xiligan Ronaldo wuxuu ku heer yahay Lionel Messi madaama uu hormar wanaagsan sameeyay”
