Gudoomiyaha kooxda Real Madrid sanado badan ayuu dhaliilo kala duwan la kulmay balse Florentino Perez midaan oo kale ma uusan maqlin waligiis.
Perez markaas wuxuu dhaliil culus kala kulmay Santos Marquez oo ah wakiilka goolhaye Iker Casillas oo ku tilmaamay gudoomiye Perez inuu cunsuri yahay.
Santos Marquez wuxuu sheegay in gudoomiye Perez uu cayaartooyda kala jecel yahay sidoo kalena kuwa madowga ah uusan u ogoleyn kooxda Real Madrid baaqi ku ahaanin.
Wakiilka Casillas ayaa sheegay in Claude Makelele iyo Samuel Eto’o midibkooda madowga ah kooxda looga racadeeyay uuna arinkaas ka dambeeyay gudoomiye Perez!
Wuxuuna Santoz Marquez yiri “Arinkan wuxu kasoo bilaawday Makelele oo si xushmad daro ku dheehan kooxda looga diray”
“Perez ma ahan cunsuri balse waa nin jecel inuu xuquuqda cayaartooyda ku tunto waxaana u arkay arinkaan marar badan”
“Sidoo kalena waxaan kula dagaalay arinkii Samuel Eto’o waayo xidigan asigoo dhalin yar midibkiisa madowga ah ayuu ku calfan waayay inuu Real Madrid kaga mid ahaado!”
Sidoo kale wakiilka Casillas ayaa sheegay in Perez uu kooxda shaqsiyaad badan rabitaankiisa kaga diyar sida macalin Del Bosque, Gonzalo Higuain, Angel Di Maria iyo kuwo kale.
