Goolhayaha gooldhaliyaha ah ee Rogerio Ceni ayaa xalay noqday geesiga kooxda Sao Paulo ee dalka Brazil kadib markii uu dhaliyay gool guul u keenay kooxdiisa oo ay kaga adkaatay naadiga Santos.
Rogerio Ceni ayuu goolkaan u ahaa midkiisii 128-aad ee taariikhda uu dhaliyo wuxuuna kusoo biiray 10-ka xidig ee ugu gooldhaliska badan kooxda Sao Paolo, wuxuuna goolka ahaa mid rigoore ah.
Sao Paolo ayaa 3-2 kaga badisay dhigeeda Santos waxeyna haatan ku raaxeysanayaan guul qurux badan oo ay ka gaareen kooxda ay aadka u xifaaltamaan.
42-jirkaan heerka caalami ee xulka Brazil waa goolhayaha ugu goolasha badan kubada cagta dunida, inkastoo uu kaliya 16-jeer kasoo muuqday xulka Brazil ka hor inta uusan isaga fariisan ciyaaraha caalamiga ah.
DAAWO SAWIRADA:
