Inkastoo ay tahay sheeko lala qabo hadana Barcelona xagaagan waxey ku socotaa xaalad sare madama ay heysato weeraryahano lagu mideeyo magaca MSN waxaana hogaamiye u ah Lionel Messi, goolhayihii hore kooxda Bayern Munich Jean-Marie Pfaff ayaana Bayern uga digay halista Lionel Messi.
Bayern Munich waxey 6-1 ku xasuuqday Porto oo lugtii hore kusoo adkaatay 3-1, xili Barcelona ay 5-1 isku cel-celis kusoo martay kooxda Paris Saint Germain.
Si kastgaba Pfaff oo u ciyaaray kooxda Bayern intii u dhaxeysay 1982 ilaa 1988, ayaa qaba in Bayern ay mar kale xasuuqi karto kooxda Barcelona hadii ay meel saaraan Lionel Messi.
“Barcelona waa koox weyn sida aan qabo, balse Bayern Munich ayaa ka xoogan marka la fiiriyo isku tiirsanaanta” ayuu yiri Jean-Marie Pfaff.
“Hadii Messi aysan maalin fiican u aheyn, waa Barcelona oo barkeed aan fiicneen”
Labada kooxood ayaa Camp Nou ku ciyaari doona horaanta bisha May halka bartamaha May ay ku ciyaari doonaan garoonka Allianz Arena.
