Goolkii Crouch Uu Madaxa Kaga Dhaliyay New Castle Oo Xidigan U Sahli Rabo Inuu Iskoor Qiimo Badan Premiership-ka U Yaalo Jebiyo

Peter Crouch ma ahan xidig maalin walbo saxaafada soo jiito sidoo kalena ma ahan cayaaryahan sameeyo ficilo uu saxaafada ku kasbanaayo.

Balse waxqabadkiisa xidigan ayaa ah mid aad u sareeyo kaasi oo sababo inuu inta badan ciwaanada saxaafada kubada cagta lagu soo hadal qaato.

Hadaba Crouch kulankii ugu dambeeyay ee uu kooxdiisa Stoke u cayaaray wuxuu ka bad baadiyay guuldaro kulan ay 1-1 la galeen naadiga New Castle.

Crouch ayaa goolka dhaliyay daqiiqadii 90-aad wuxuuna goolka ku dhaliyay madaxa weliba si aad u qurxoon ayuu xidigan goolka u dhaliyay.

Hadaba ruug cadaagan goolka uu dhaliyay ayaa u sahli rabo inuu jebiyo rikoor qiimo badan oo mudo dheer u yiilay Premiership-ka England.

Crouch goolkiisii 44-aad ayuu madaxa ku dhaliyay wuxuuna haatan labo gool oo qura ka hooseeyaa Alan Shearer oo 46-gool madaxa ku dhaliyay Premiership-ka England waana rikoor halyeegan mudo dheer u yiilay.

Hadaba Crouch kaalinta 3-aad ayuu ku jiraa waxaana weli ka horeeyo Dion Dublin oo isagana 45-gool madaxa ku dhaliyay balse Crouch fursada weyn ayuu heestaa madaama uu weli garoomada ku jiro.

Guud ahaan hoos kaga bogo 10-ka xidig ee goolasha ugu badan madaxa ku dhaliyeen Premiership-ka England:

Halkaan Ka dhiibo Fikirkaaga Facebook-ga Ee Warbixintaan

Fikir Ayaa Laga Dhiibatay Warbixintaan