Daafacii hore xulka Qaranka Ingiriiska iyo kooxaha Leeds, Tottenham Hotspur iyo Real Madrid Jonathan Woodgate ayaa soo afjaray waayahiisa ciyaaraha wuxuuna xil maamul ka qabanayaa kooxda Middlesbrough.
Macalinka Middlesbrough Aitor Karanka ayaa shaaca ka qaaday in 35-jirkaan aan heshiiska loo kordhin doonin, xili uu kabtan u ahaa Middlesbrough.
Si kastaba Jonathan Woodgate oo 8-kulan oo qura u saftay xulka Sadex libaax, ayaa haatan ku dhawaaqay inuu siibay kabaha lagu ciyaaro kubada cagta wuxuuna markaan ku biiraya shaqaalaha tababarka kooxdaan sida ay xaqiijisay The Sun.
Jonathan Woodgate waxaa waayahiisa ciyaaraha hoos u dhigay dhaawacyo ragaadiyay wuxuuna awoodi waayay inuu wax badan kasoo muuqdo kooxda faca weyn ee Madrid.
Ugu dambeyntiina Jonathan Woodgate haatan wuxuu diyaar u yahay inuu bilaabo waayahiisa cusub ee isagoo ka mid noqon doona shaqaalaha tababarka kooxda Middlesbrough.
