Hordhac: West Ham vs Man United: Wiilasha Van Gaal Oo Fursad U Heysta Iney Ku Dhawadan Man City

West Ham ayaa Upton Park kusoo dhaweyn doonta kooxda Man United, xili kooxda uu hogaamiyo Sam Allardyce ay dooneyso iney kasoo kabato guuldaradii Liverpool ee todobaadkii hore, halka wiilasha Louis Van Gaal ay doonayaan iney sii wataan guulahooda.

Man United waxey fursad u heysataa iney ku dhawaato kaalinta labaad ee horyaalka iyadoo guul ay gaarto ay ka saacidi karto iney sadex dhibcood oo qura u jirsadaan xifaaltamayashooda magaalada Manchester.

WARBIXINTA KULANKA:

Kulanka: West Ham vs Man United

Tartanka: FA Premier League

Garoonka: Upton Park

Saacadda: 7:15 Fiidnimo (Xiliga Geeska Afrika)

YAA MAQAN, YAASE CIYAARI DOONA?

West Ham dhibaatooyin badan oo xaga dhaawacyada ayey qabaan madama Reid iyo Collins ay muruqa ka xanuunsanayan sidoo kalana Jenkinson iyo Tomkins ayaa iyaguna dhaawacyo qaba, halka Andy Carroll isna uu dhaawac dhanka jilibka ah qabo.

Dhanka kale Micheal Carrick ayaa ka maqan kooxda Man United kaas oo dhaawac qaba, sidoo kalana ma jiro xidig kale oo dhaawac kaga maqan kooxda Man United.

MA OGTAHAY:

Wayne Rooney ayaa ka dhaliyay West Ham 10-gool, 9-kii kulan ee ugu dambeeyay oo uu ka hor yimaado kulamada horyaalka.

West Ham ayaa ah kooxda ugu badan ee goolasha madaxa ah dhalisay 14-gool ayey ku dhaliyeen.

West Ham kaliya hal jeer ayey guuldaro la kulantay dhamaan 10-kii kulan ee ugu dambeeyay oo ay gurigeeda ku ciyaartay.

Manchester United wax guuldaro ah sooma gaarin lixdii kulan ee ugu dambeysay oo ay banaanka kusoo ciyaartay

West Ham ayaa ah kooxda labaad ee ugu badan ee dhalisa kubadaha koornada laga keeno, kaliya Chelsea ayaa ka badan. (7-gool ayeyna ku dhaliyeen).

Manchester United kaliya hal jeer ayey guuldaro la kulantay 20-kii kulan ee ugu dambeysay oo ay u safartay magaalada London.

KULAMADII UGU DAMBEEYAY LABADA KOOXOOD:

2014/2015       Sat 27 Sep      Man. Utd         2 – 1     West Ham

2013/2014       Sat 22 Mar      West Ham       0 – 2     Man. Utd

2013/2014       Sat 21 Dec      Man. Utd         3 – 1     West Ham

2012/2013       Wed 17 Apr     West Ham       2 – 2     Man. Utd

2012/2013       Wed 28 Nov    Man. Utd         1 – 0     West Ham

2010/2011       Sat 02 Apr       West Ham       2 – 4     Man. Utd

2010/2011       Sat 28 Aug      Man. Utd         3 – 0     West Ham

LINE UPKA MACQUULKA AH:

WEST HAM:

Adrian; O’Brien, Demel, Song, Cresswell; Noble; Amalfitano, Nolan; Downing; Sahko, Valencia

MANCHESTER UNITED:

De Gea; Valencia, Jones, Rojo, Shaw; Blind, Mata, Di Maria, Rooney; Van Persie, Falcao

Halkaan Ka dhiibo Fikirkaaga Facebook-ga Ee Warbixintaan

Fikir Ayaa Laga Dhiibatay Warbixintaan