Inter Milan ayaa ku warantay iney kooxda Manchester City kala heshiisay arinta Steven Jovetic kaas oo ay ku qaadan doonaan amaah, inkastoo ay dooq u heystaan iney 15 Malyan oo Euro kula saxiixdaan sidoo kalana ay raaci doonaan gunooyin aan la shaacin.
Sida ay shaacisay Sky Sports wadahadalada labada kooxood u dhaxeeya ayaa maraya gabogabo, waxaana la filayaa in arinta xidigaan lasoo afjaro saacadaha soo socda.
Steven Jovetic wuxuu kooxdiisa ka waayay boos joogto ah waana sababta ugu weyn ee uu xidigaan uga tagayo Etihad Stadium, labada kooxood ayaana ka heshiiyay arintiisa.
Jovetic ayaa amaah qasab ah ugu biiri doona Inter Milan iyadoo sidoo kale ay kooxda ka dhisan Sansiro iibsan karto, waxaana la filayaa in todobaadkaan gudahiisa uu ka dago Sansiro.
Si kastaba Roberto Mancini ayaa si gaar ah u dalbaday in xidigaan reer Montanegro la keeno kooxda Inter Milan oo horay ula soo saxiixatay Miranda iyo Kondogbia.