Germany ayaa ku dhawaaneysa inay si toos ah ugu soo baxdo Koobka Adduunka ka dib markii ay 3-0 direen xulka kaalinta labaad kaga jira group C ee Austria.
Germany ayaana 19 dhibcood ku heysa hogaanka Group C iyagoo 8 dhibcood ka sareeya xulka ay garaaceen ee Austria, waxaana ay qarka u saaran yihiin inay si toos ah ugu soo baxaan Koobka Adduunka ee ka dhacaya Brazil sannadka soo socda.
Guusha ay gaartay Germany waxaa ka caawiyay gool uu qeybtii hore dhaliyay Miroslav Klose, kaasoo goolkaas ku barbareeyay rikoorkii gooldhalinta Gerd Muller ee xulka qaranka Jarmalka.
Waxaana qeybtii labaad natiijada seddex dhibcood u xaqiijiyay Germany Toni Kroos kaasoo dhaliyay kubad gantaal aheyd oo uu ka tuuray meel 30 mitir goolka u jirta, waxaana uu ahaa goolkiisii 5aad uu xulka qaranka u dhaliyo.
Waxaana ciyaarta hurdo u diray dhamaadkii ciyaarta Thomas Muller oo shabaqa dhex dhigay goolkii 3aad ee ciyaarta, waxaana ay Germany ku badisay 3-0.
Group D
Dhanka kale xulka Netherlands ayaa iska qasaarisay fursad ay ugu dhawaan lahaayeen inay si toos ah ugu soo baxaan Koobka Adduunka ka dib markii ay barbaro 2-2 ah ku qabatay xulka Estonia oo ay marti u ahaayeen.
Arjen Robben ayaa hogaanka u dhiibay Netherland ka hor inta labo gool uu dhaliyay Konstantin Vassiljev hogaanka u dhiibin xulka Estonia, waxaana ay ciyaarta u muuqatay mid ku dhamaaneysa guul ay gaarto Estonia.
Laakiin daqiiqadihii dhamaadka ee ciyaarta ayaa Holland rigoore loo dhigay, iyadoo Robin Van Persie uu u saxiixay goolka rigoorada ahaa islamarkaana ciyaarta ka dhigay barbaro 2-2 ah.
Holland ayaa weli Group D hogaanka ku heysa 19 dhibcood, waxaana ay lix dhibcood ka sareeyaan Romania oo kaalinta labaad soo gashay ka dib markii ay 3-0 ku qaarjiyeen Hungary oo u dhacday kaalinta 3aad.
Turkiga oo weli rajo ka leh inay ciriirsadaan booska labaad ee play-offs-ka loogu soo baxayo ayaa 5-0 ku xasuuqay xulka Andorra, waxaana seddexleey u dhaliyay Umut Bulut, halka Yilmaz iyo Arda Turan ay kala dhaliyeen goolasha kale.
Waxaana Turkiga ay ku jiraan kaalinta 4aad iyagoo leh 10 dhibcood, waxaana seddex dhibcood ka hooseeyaan kooxda booska kaalinta labaad haatan ku jirta ee Romania.
Group B
Xulka Talyaaniga ayaa sii xajistay hogaanka Group B iyagoo ku sii dhawaanaya inay si toos ah isaga xaadiriyaan Brazil sannadka soo socda ka dib markii ay 1-0 kaga talaabsadeen xulka Bulgaria.
Goolka kaliya ee ay Italy ku badisay waxaa qeybtii hore ee ciyaarta dhaliyay Alberto Gilardino.
Waxaana Azzurri ay hogaanka ku heysaa 17 dhibcood, iyagoo 7 dhibcood ka sareeya xulka ay ka badiyeen ee Bulgaria taasoo ka dhigeysa inay ku jiraan boos raaxo leh oo ay Koobka Adduunka ugu soo baxayaan.’
Akhriso dhammaan Kulamadii la cayaaray
Group A
FYR Macedonia 2 – 1 Wales
Serbia 1 – 1 Croatia
Scotland 0 – 2 Belgium
Group B
CzechRepublic 1 – 2 Armenia
Malta 1 – 2 Denmark
Italy 1 – 0 Bulgaria
Group C
Kazakhstan 2 – 1 Faroe Islands
Germany 3 – 0 Austria
Ireland 1 – 2 Sweden
Group D
Romania 3 – 0 Hungary
Turkey 5 – 0 Andorra
Estonia 2 – 2 Netherlands
Group E
Norway 2 – 0 Cyprus
Slovenia 1 – 0 Albania
Switzerland 4 – 4 Iceland
Group F
Russia 4 – 1 Luxembourg
N.Ireland 2 – 4 Portugal
Group G
Latvia 2 – 1 Lithuania
Bosnia-Herzegovina 0 – 1 Slovakia
Liechtenstein 0 – 1 Greece
Group H
Ukraine 9 – 0 San Marino
Poland 1 – 1 Montenegro
England 4 – 0 Moldova
Group I
Georgia 0 – 0 France
Finland 0 – 2 Spain
Waxaa Aqrisay: (60)
Mogadishu - Somalia