Kubad sameeyaha da’da yar ee xulka England iyo kooxda Gunners ayaa xanuun dartiis ku seegay kulanka ay kooxdiisa talaada la balansan tahay Anderletch kulan ka tirsan Champions League wareegiisa Groupyada, balse tababare Arsene Wenger ayaa xaqiijiyay in wiilkiisa uu diyaar u noqon doono kulanka sabtida ay kooxdiisa la ciyaareyso Swansea City.
Wilshere oo dhaawac dhanka jilibka ah darteed usoo xaadiri waayay tababarkii maanta ayaan sidoo kale imaanba xerada tababarka ee London Cloney, halka sidoo kale la xaqiijiyay in Aaron Ramsey uu diyaar u yahay kulankaan.
“Wilshere wuu xanuunsan yahay, mana ciyaari doono kulanka Anderletch, balse kulanka isbuuca soo aadan waa u diyaar” Ayuu yiri tababare Arsene Wenger.
Sidoo kale xidigaha kulankaan seegaya waxaa ka mid ah: Mesut Ozil, Olivier Giroud, Debuchy, iyo Laurent Koscielny kuwaas oo dhaawacyo kala duwan qaba.
Si Kastaba Arsenal waxey haatan leedahay 6-dhibcood, sadexdii kulan ee ugu horeysay tartanka Champions League wareegiisa groupyada, taasoo muujineysa in kulan ka tirsan guuldaro la kulantay.
SAWIRADA TABABARKII UGU DAMBEEYAY ARSENAL:
Go to Admin » Appearance » Widgets » and move a widget into FooterRight Widget Zone
Log in- Posts -
Add New
-
Designed by Tabaarak ICT Solutions
