Real Madrid macalinkeeda Carlo Ancelotti ayaa xaqiijiyay in Karim Benzema uu seegi doono kulanka sabtida ay la ciyaari doonaan Getafe kaas oo ah midka ugu dambeeya xili ciyaareedkaan horyaalka La Liga.
Wiilkaan reer France wuxuu dhaawac dhanka jilibka ah kasoo kabsaday todobaadkii hore, balse Ancelotti ayaa ka dhawaajiyay in xidigaan uu xanuun ka dareemayo muruqa bowdada taasna aysan u suuragalin karin inuu safto kulankaas.
Taa badalkeeda Chicharito iyo Jesse ayey macquul tahay in midkood uu fursad u helo inuu kusoo bilowdo, xili Madrid ay baadi goob ugu jirtaba iney guul kusoo xirto xagaagan.
Dhanka kale warbaahinta kubada cagta aya aad u hadal heysa in Ancelotti uu kulankaan u yahay midkisii ugu dambeeyay madama la aaminsan yahay in shaqada laga raacdeyn doono.
Ugu dambeyntiina Benzema ayaa la filayaaba inuu fasax ku aado dalkiisa France madama aysan jirin kulamo ay kooxdiisa ciyaareyso kadib kulanka Getafe.
