Sida ay sheegayaan warbixino ka imaanaya Ingiriiska kooxda Paris Saint Germain ayaa diyaarineysa qorshe waali ah oo ay kusoo xerogalineyso Cristiano Ronaldo madama ay dalab dhan 84.9 Malyan Oo Pound u gudbineyso Real Madrid.
30-jirkaan heerka caalami ee xulka Portugal ayaa si ba’an loola xiriirinayaa inuu ka tagayo Los Blancos xagaagan waxaana qandaraaskiisa uu egyahay 2018, 225-gool ayuu dhaliyay 200 kulan oo uu u saftay La Liga kooxda Madrid.
Sida ay qortay Daily Telegraph, Ronaldo ayey xurguf dhexmartay isaga iyo Benitez xerada tababarka taasoo keentay in si waali ah loo hadal hayo arimaha ku aadan bixitaankiisa.
Sidoo kale Manchester United oo ah kooxdii uu horay ugu soo ciyaaray ayaa sidoo kale xidigaan isha ku heysa, balse PSG ayaa markaan ugu cad-cad.
Si kastaba Madrid ayaan la ogeyn sida ay uga fududahay iney iibiso Cristiano Ronaldo oo sanadii 2009 kaga soo biiray kooxda Old Trafford ku ciyaarta.
