Juventus ayaa dardar galineysa xaalada ay ku dooneyso xidiga reer Brazil ee kooxda Chelsea OSCAR kaas oo ay la dooneyso inuu buuxiyo booska uu baneyn doono Paul Pogba.
Juventus ayaa ka cabsi qabta iney weyso Paul Pogba oo ay saf ugu jiraan in ka badan shan kooxood oo ka mid ah kuwa ugu waweyn yurub waxeyna diirada saareysaa sidii ay ku heli laheyd Oscar.
Heshiiska Uu Oscar kula jiro Chelsea wuxuu dhamaanayaa 2019, balse xidigaan ayaa sii luminaya kalsoonida macalin Jose Mourinho.
Sida ay sheegtay jariiradda La Stampa, Agaasimaha ciyaaraha Juventus ninka lagu magacaabo Fabio Paratici ayaa tagay London isbuucaan wuxuuna soo daawaday kulankii ay Emirates ku yeesheen xulalka Chile iyo Brazil.
Ugu dambeyntii Juventus waxey OSCAR u arkaan badalka saxda ah ee xidigaan reer France, inkastoo aysan ku niyad sameen iney waayaan balse waxaa jirta cabsi la xiriirta kooxaha lacagaha badan la wareegaya suuqa kala iibsiga ciyaartoyda.
