Macalin Brendan Rodgers iyo kooxdiisa Liverpool safarkeeda cayaareed oo ay todobaadyadan ugu maqneed Asia iyo Australia ayaa usoo idlaaday.
Reds kulankeedii ugu dambeeyay waxay bar bar dhac 1-1 la gashay Malaysia All Stars kulankan xiisaha badan wuxuu ka dhacay magaalada Kuala Lumpur gaar ahaan Bukit Jalil National Stadium.
Liverpool waxaa guul daro ka bad baadiyay 19-jirka laga daba dhacay Jordan Ibe oo dhaliyay gool aad u qurux badan kulankan.
Patrick Ronaldinho Wleh oo matalaayay Malaysia All Stars ayaa Liverpool gool kaga naxsaday daqiiqadii 13-aad.
Balse Jordan Ibe ayaa dhaliyay laad xoogan oo aad u qurxoon daqiiqadii 28-aad wuxuuna kulankan guud ahaan kusoo idlaaday 1-1.
Liverpool safarkeeda cayaareed waxay kusoo idleesatay sedex guul ah iyo kulankeedii ugu dambeeyay oo ay bar bar dhac gashay.
Xaqiiqada Kulankan iyo xidigaha Liverpool u safteen: Bogdan, Clyne, Skrtel, Lovren, Moreno (Gomez 78), Henderson, Lucas (Rossiter 72), Milner (Chirivella 90+1), Ibe, Lallana, Origi (Ojo 71)
Badalka aan la isticmaalin: Mignolet; Toure, Wisdom, Sakho, Wilson, Teixiera, Kent, Allen, Lambert, Markovic, Ings
