Kevin De Bruyne ayaa magaalada London ku sugan wuxuuna kooxdiisa VFL Wolfsburg kala qayb qaadanayaa tartanka Emirates Cup.
Balse Man City ayaa fursad wanaagsan u aragto in Kevin De Bruyne uu gudaha England ku sugan yahay waxayna kooxdan wada hadalo la furi doontaa wakiilkiisa iyo kooxda Wolfsburg.
24-jirkan ayaa kusoo baxay kubad qeebayaha qaarada Yurub ugu wanaagsan wuxuuna haatan ka mid yahay xidigaha loogu doonista badan yahay.
Inkastoo De Bruyne lagu qiimeeyo £50m hadana Man City wax walaac ah lacagahaas kama qabto waayna diyaar u tahay inay bixiso qiimo walbo oo ay Wolfsburg xidigan kaga samri karto.
De Bruyne oo horey Chelsea uga tirsanaan jiray dhawaan ayuu sheegay inuu xiiseenayo kusoo laabashada Premiership-ka England.
Sidoo kalena Man City waxay xidigan dhalinta yar u balan qaaday boos joogto ah iyo mushaar uusan waligiis ku fikirin.
Balse macalinka kooxda Wolfsburgb Dieter Hecking ayaa si rasmi ah u sheegay in De Bruyne uusan beec ahayn sidoo kalena weli aysan dalab rasmi ah ka helin naadiga Man City.
