Arsenal ayaa markaan diyaar u ah iney dalab buuxa u gudbiso kooxda Juventus kaas oo ku aadan burburiyaha reer Chile Arturo Vidal sida ay qortay Daily Mirror.
Mirror ayaa sidoo kale warbixinteeda ku dartay in Arsenal ay dalab 21.3 Malyan ah u gudbin doono Juventus, inkastoo kooxda ka dhisan Turin ay xagaagii hore 40 Malyan Oo Pound dalab ah ka diiday Manchester United oo si ba’an xidigaan u baadi goobeysay.
Warar ka imaanaya Spain iyo Italy ayaa si hoose u shaaciyay dhawaan in kooxda ka dhisan Juventus Arena ay dooneyso iney iibiso Arturo Vidal, iyadoo sidoo kale warar ay jiraan warar qarsoodi ah oo sheegaya in Alexis Sanchez uu Vidal ku qalqaalinayo imaatinka Emirates.
Lama oga hadii ay Juventus aqbali doonto dalabka ay Arsenal kasoo gudbin doonto dhawaan Arturo Vidal, walow kooxdaan ay heshay Sami Khedira.
Si kastaba Paul Pogba iyo Pirlo ayaa qudhooda la filayaa iney kooxda ka hayamaan, balse la arki doonaa sida uu noqdo xaalka Bianconerri./
