Waxaa goor dhaweyd lasoo afjaray xaflad ka dhacday magaalada Nyon ee dalka Switzerland waxaana la sameeyay isku aadka wareega Sideed dhamaadka koobka horyaalada yurub ee Champions League.
Kulamo adag ayaa kasoo baxay iyadoo xusuus la is galiyay waxaana isku beegmay Paris Saint Germain iyo Barcelona kuwaas oo isku arkay wareega groupyada tartankaan haatan socdo, sidoo kale waxaa isku beegmay kooxaha ku xifaaltama caasimadda Spain ee Madrid (Atletico Madrid vs Real Madrid).
Kooxaha Juventus iyo Bayern Munich ayaana isku aad fudud galay walow labada kooxood ee ay ku aadeen aan la dhayalsan karin waxaana ay ku beegmeen kooxaha As Monaco iyo Fc Porto.
Isku Aadka Oo Dhameystiran:
Paris Saint Germain vs Barcelona
Atletico Madrid vs Real Madrid
Fc Porto vs Bayern Munich
Juventus vs As Monaco
Lugta hore kulamada Champions League waxaa la ciyaari doonaa 14-ka iyo 15-ka April, halka lugta labaad la ciyaari doono 21-ka iyo 22-ka April.
