Madaama kooxda Real Madrid xili cayaareedkan koob la’aan ku dhameesatay wuxuu wargeska Marca taageerayaasha kooxdan kaga farxiyay aqbaar aysan horey u ogeyn.
Waxayna aqbaartan tahay in wargeska Marca uu daaha ka qaaday in tababare Rafeal Benitez dhamaan kooxaha uu horey usoo hogaamiyay in xili cayaareedkiisii kowaad uu koobab muhiim ah u qaaday.
Sidaa darteed taageerayaasha Madrid waxay filan doonaan xili cayaareedka dambe 2015/16 in Benitez uu garoonka Bernabue keeno koobab can ah sidii uu horey kooxaha kaleba ugu soo sameeyay!
Rafa waxaa markii ugu horeesay kooxda Valencia u qaaday La Ligaha Spain mudo 31-sano kadib kooxdan xili cayaareedkiisii kowaad.
Kadib kooxda Liverpool markii uu imaaday sanadii 2005 xili cayaareedkiisii ugu horeeyay Champion-ka ayuu u qaaday mudo 21-sano kadib oo ay Reds hanato tartankan ayuu sabab u noqday!
Sidoo kalena kooxda Inter Milan isla markii loo dhiibay sanadii 2010 koobab deg deg ah ayuu u qaaday sida FIFA Club World Cup.
Haka reebin kooxda Chelsea ee uu si ku meel gaar ah u qabtay sanadii 2013 iyadana tartanka Europa League ayuu u qaaday.
Ugu dambeyntii Napoli xili cayaareedkiisii kowaad wuxuu kooxda reer Talyaani u qaaday Italian Cup sanadii 2014.
Marka Real Madrid iyadana waxay kaga fadhisaa xili cayaareedkiisa kowaad sanadka dambe inuu koob muhiim ah u qaado!
