29-jirka khadka dhexe kaga cayaaro naadiga Empoli Mirko Valdifiori ayaa si rasmi ah kooxda Napoli ugu biiray.
Mirko Valdifiori ayaa ku guuleestay tijaabadii caafimaad ee laga qaaday wuxuuna ku faraxsan inuu mustaqbalkiisa cayaareed kasii wadan doono kooxda Napoli oo usoo bandhigtay dalab raali galiyo.
Mirko Valdifiori oo mudo 7-sano ah ka tirsanaa naadiga Empoli ayaa xili cayaareedkii dhawaa wacdaro ka dhigay Serie A-da waana sababta keentay in kooxda Napoli ay heshiis la gaarto.
Gudoomiyaha naadiga Napoli Aurelio de Laurentiis ayaa ka hadlay saxiixa xidigan tayada wanaagsan wuxuuna yiri “Soo dhawaaw Valdifiori saxiixa cusub ee Napoli waana hubaa inuu wax badan kooxda kusoo kordhin karo”
Mirko Valdifiori ayaa sidoo kale xulka Italy ka tirsan wuxuuna doonayaa inuu hormar dheeri ah sameeyo sidoo kalena kooxda Napoli ka caawiyo sidii ay xili cayaareedka dambe ugu tartami laheyd hanashada Serie A-da.
Dhanka kale gudoomiye Aurelio de Laurentiis ayaa ku goodiyay in kooxdiisa aysan xidig muhiim ah xagaagan iska iibin balse shaqada ay qaban doonaan ay noqon doonto inay saxiixyo dheeraad ah sameeyaan.
