Kooxda Watford City ayaa si rasmi ah u xaqiijisay inay dib ugu soo laabatay Premiership-ka England kadib markii ay kooxdan kulan muhiim ah guuleesatay horyaalka heerka labaad ee dalka England.
Watford ayaa kulankeedii ugu dambeeyay 2-0 ku suul daartay kooxda Brighton waxaana u suura galiyay inay dabaal dagto kadib markii labadii naadi ee kusoo xigeen Bournemouth iyo Middlesbrough ay ku guul dareesteen inay todobaadkan guuleestaan.
Kooxda Watford ayaa la timid 88-dhibcood ayadoo cayaartay 45-kulan waxayna 4-dhibcood ka sareysaa naadiga Bournemouth oo kaalinta labaad ku jirto balse 44-kulan cayaartay.
Halka Middlesbrough ay kaalinta sedexaad ku jirto ayadoo leh 84-dhibcood balse 45-kulan ayay cayaartay.
Sidaa darteed kooxda Watford hadii ay todobaadka dambe guuleesato kulanka ugu dambeeyo iyada ayaa si rasmi ah ugu guuleesan doonto horyaalka heerka labaad ee dalka England.
