Weeraryahanka kooxda Hull City Nikica Jelavic ayaa ku dhawaaqay inuu isaga fariistay ciayaraha caalamiga ah, sida la xaqiijiyay maalinimadii sabtida aheyd.
Xidigaan ka tirsan kooxda Hull City, ayaa u saftay Croatia 36-kulan, isagoo u dhaliyay kaliya 6-gool, inkastoo go’aankaan uu layaab ku noqday tababare Kovac.
Warkaan ayaa yimid kadib kulankii ay Croatia 1-0 ku dhaafeen xulka Bulgaria kulan ka tirsan isreeb-reebka Euro 2016, iyadoo ciyaartaas uusan qeyb ku yeelan xidigaan.
Dhanka kale tababare Kovac ayaa qiray in uu aad ula yaabay go’aanka xidigaan: “Waxaan qirayaa inaan aad ula yaabay” Ayuu yiri tababare Kovac, “Balse dabcan waan aqbalay go’aankiisa”
Ugu dambeyntii Kovac ayaa waqti wanaagsan u rajeeyay Jelavic mudada uu kooxdiisa la joogo.
