Kooxda Real Madrid ayaa xasuuqday kooxda Esponyol kadib markii ay ku garaacday 4-1 iyadoo xidigga adduunka ugu wanaagsan CR7 oo dhaliyey Seddexley.
Kooxda Real Madrid ayaa rajo wanaagsan ka laheyd in aanan horyaalka lagu kala bixin ilaa laga gaaro kulanka ugu dambeeyo laakiin midaas waxaa diiday Lionel Messi oo kooxdiisa Barcelona ku hoggaamiyey inay horyaalka u dabaaldagto kadib guul 0-1 oo ay kooxdiisa ka gaartay Atletico Madrid.
Cristiano Ronaldo ayaa kooxda Hoggaanka u dhiibay daqiiqadii 59-aad ee qeybtii dambe ee cayaarta laakiin nasiib xumo waxaa cayaarta barbaro ka dhigay Cristian Stuani daqiiqadii 73.
Real Madrid ayaa sameysay fursado wanaagsan waxaana mar labaad hoggaanka u dhiibay xidigooda Marcelo oo dhaliyey gool soo celiyey muraalkii taageerayaasha Real Madrid.
Mar Kale waxaa shabaqa soo taabtay C. Ronaldo oo cayaarta ka dhig 1-3 wuxuuna ahaa goolkiisii labaad ee kulankaan.
daqiiqadihii ugu dambeeyey CR7 ayaa cayaarta ka dhigay 1-4 isagoo helay goolkiisii sedexaad kulankii caawa, sidaas darteed Real Madrid ayaa kulankaan gaartay guul 1-4 ah.
Inkastoo Real Madrid ay badisay haddana guushaan kama aysan celin Barcelona inay u dabaaldagto horyaalka ka gadaal markii ay garaacday Kooxda Atletico Madrid waxaana guusha siiyey xidigooda Lionel Messi oo dhaliyey halka gool oo ay Barcelona ku badisay.
