Real Sociedad Oo Iska Ceyrisay Tababare Jagoba Arrasate

Kooxda Real Sociedad ee dalka Spain ayaa shaqadii tababaranimo ee kooxda ka ceyrisay Jagoba Arrasate kadib markii uu kooxda u hogaamiyay iney si xun ku bilowdo La Liga.

Kooxda Basque lagu neynaaso ayaa haatan jiifta booska 3-aad ee ugu hooseeya horyaalka, waxeyna kaliya guul gaartay hal kulan, 10-kii kulan ee ugu dambeeyay oo ay ciyaartay horyaalka.

Arrasate ayaa kooxda xilkeeda qabtay 2013, wuxuuna u hogaamiyay iney ku dhameysato xili ciyaareedkii hore kaalinta 7-aad taas oo lagu amaanay, balse wuu ku fashilmay inuu ku celiyo waqtigaas guulaha ah waxaana kooxda ay lumisay kaliya sadex xidig oo muhiim ah: Griezmann, Claudio Bravo iyo Haris Seferovic.

Sidoo kale Real Sociedad waxey ku fashilantay iney usoo baxdo koobka Europa League, kooxda ayaana si dhaqso ah u go’aansatay iney shaqada ka ceyriso macalinkaan.

Musharaxiinta lagu wado iney badalaan macalinkaan waxaa ka mid ah: David Moyes oo horaantii sanadkaan laga raacdeeyay shaqada United, macalinkii hore Betis iyo West Brom Pepe Mel iyo macalinkii hore Mainz Thomas Tuchel.