Arsene Wenger ayaa uga digay Manchester City inuu damac ka galo xidigaha waaweyn ee kooxdiisa sida Jack Wilshere isla markaana wuxuu qiray ineysan iibin doonin.
Waxaa soo ifbaxay dhawanahaan warar sheegaya in kooxda Manchester City ay dooneyso kubad sameeyaha dhaawaca badan ee xulka Ingiriiska Jack Wilshere kaas oo ka tirsanaa kooxdaan waqooyiga London ka dhisan ilaa sagaal jirkiisii.
“Ma ihin koox iibisa ciyaartoydeeda muhiimka ah mana joogno booskaas” Ayuu yiri Wenger.
Sidoo kale Wenger ayaa qiray ineysan dhagta u taagi doonin wararka ay qoraan warbaahita kuwaas oo ah been abuur.
Wilshere ayaa kasoo kabtay dhaawac uu mudo la jiifay madama uu ka qeyb qaatay kulankii ay kooxda da’yarta Arsenal ka badisay dhigeeda Aston Villa todobaadkan.
Wilshere wuxuu diyaar u yahay kulanka Burnley ee todobaadkaan wuxuuna noqon doonaa hadii uu ciyaaro inuu garoon galay tan iyo November sanadii hore.
