Macalinka naadiga PSG Laurent Blanc ayaa saxaafada u sheegay in rug cadaa Thiago Motta uu kooxdiisa dib ugu soo laabtay sidoo kalena ka caawin doono qorshaha u dagsan inta ka harsan xili cayaareedkan.
Thiago Motta 5-kulan ee ugu dambeesay kooxdiisa Paris uma cayaarin wuxuuna xidigan ku dhaawacmay kulan PSG ay 3-2 kaga badisay naadiga Marseille bilawgii bishan.
Balse xidigan dhaawaca dhanka muruqa uu ka qabay wuu kazoo kabtay wuxuuna diyaar u yahay inuu safto kulanka Paris la cayari doonto naadiga Parc des Princes ee ka tirsan Ligue 1 France.
Macalin Blanc oo ka hadlaayo soo labaashada Mota wuxuu yiri “Thiago Motta dib ayuu kooxda ugu soo laabtay diyaarna wuxuu u yahay xiligan muhiimka ah inuu na caawiyo”
Dhanka kale macalin Blanc ayaa sheegay in kabtanka Paris Thiago Silva weli uusan kasoo kabanin dhaawacii uu qabay “Silva diyaar uma ahan inuu todobaadkan kooxda u cayaaro sidoo kalena xaaladiisa halis ma galin doono”
Kooxda Paris todobaadkan waxaa koobka horyaalada Yurub ka reebtay naaadiga Barcelona oo 5-1 ku reebtay isku darka goolasha wareega 8-aad labada kulan oo ay wada cayaareen.
Balse PSG waxay fursad u heesataa inay ku guuleesato sedex koob oo dalka France laga cayaaro oo uu ku jiro horyaalka sidaa darted soo laabashada Motta waa mid muhiim u ah kooxdan.
