Mustaqbalka Radamel Facao ee kooxda Manchester United ayaa mugdi siigalayo kadib markii uu si rasmi ah u galay geedka Manchester United iyadoo aan lasoo safin kulankii habeenkii Talaaada ay Arsenal u baxeyn.
Faclao ma uusan u cayaarin Manchester United xataa Hal Daqiiqo tan iyo markii ay kooxda Manchester United guusha ka gaartay Kooxda Sunderland bishii lasoo dhaafay waxaana lagu ilaaway Keydka.
Xidigaan oo kooxda Manchester United mushaar ahaan uga qaato £250,000 asbuucii ayaa la safay kulan ay 21 Jirada United la cayaareen kooxda Tottenham.
Go’aanka uu qaatay Macalin Van Gaal oo ah inuu ku daro 29 jirkaan kooxda 21 Jirada United ayaa ka dhigan in Xidigga Reer Colombia xaaladiisa Caafimaad aysan wanaagsaneyn.
Si Kastaba, Macalinka United ayaa sida caadi ah looga bartay inuu safo kulamadaan oo kale xidigaha dhaawaca kasoo labto.
Laakiin nasiib xumada heysata xidigaan ayaa sii badatay markii uu awoodi waayey inuu hal gool dhaliyo kulankaan isagoo saftay ilaa 72 Daqiiqo, waxayna saxaaafada Ingiriiska qaarkood cinwaanadooda hore kusoo qoreen (Wuu Habaaran yahay!!!)
Ugu Dambeyntii Xaaladda Caafimaad ee Falcao ayaan aheyn mid taam ah tan iyo markii uu dhaawacmay November taasoo sababtay inuusan xulkiisa Colombia u cayaarin koobkii adduunka ee lagu qabtay Dalka Brazil.
