Kooxda Aston Villa ayaa ku wargalisay dhigeeda Manchester United qiimaha ay ku qaadan karto daafaca reer Holland Ron Vlaar kaas oo si ba’an looga doonayo garoonka Old Trafford, 12 Malyan Oo Pound Ayuuna kaga tagi karaa kooxda.
29-jirkaan reer Dutch ayaa isbaray dunida kubada cagta koobkii Aduunka, wuxuuna xulkiisa ka caawiyay iney tiigsadaan kaalinta sadexaad, isagoo ka hoos ciyaarayay xiligaas Van Gaal oo haatan doonaya inuu mar kale xidigaan maamulo kuna sugan United.
ESPN ayaa ku warantay in Van Gaal uu kaliya bixinayo 12 Malyan si uu xidigaan ugu xiro maaliyada guduudan ee Shayaadiinta Cas-cas.
Louis Van Gaal ayaan wali ku kalsooneen daafaciisa waxaana kooxda aysan helin xidigo buuxiya boosaskii ay ka tageen Vidic, Ferdinand iyo Evra inkastoo ciyaartoy laba ah daafaca lagu soo biiriyay wali kama soo bixin waajibkooda rasmiga ah.
Ugu dambeyntii sidoo kale Manchester United ayaa isha ku heysa daafaca kooxda Borrusia Dortmund Mats Hummels kaas oo aan wali la saleyn mustaqbalkiisa kooxda reer Jarmal.
