Wargeska Marca ayaa sheegay in macalin Rafeal Benitez uusan u baahneysn Asier Illarramendi wuxuuna maamulka Madrid u sheegay in xidigan la iska iibiyo.
Laacibkan khadka dhexe ku wanaagsan xagaagan xaalkiisa ma fadhinin wuxuuna sugaayay inuu mar un macalina cusub ee Real Madrid hadlo si uu mustaqbalkiisa cayaareed meel ugu dhaco.
Madaama Marca ay shaacisay in Illarramendi looga baahneyn Madrid xidigan iyo wakiilkiisa fadhi uma yaalo waxayna baadi goob u gali doonaan kooxdii ay ku biiri lahaayeen.
Benitez wuxuu u sheegay gudoomiyaha Real Madrid Florentino Perez inuusan u baahneyn Illarramendi sidoo kalena lagu daro liiska xidigaha la fasixi doono.
Real Madrid waxay ku dooneysaa xidigan 25-milyan oo euro ah waxaana siweyn ugu raad joogto naadiga Liverpool halka Arsenal, Tottenham iyo Real Sociedad ay sidoo kalena xidigan baadi goob ugu jiraan.
