Weeraryahanka reer Brazil labo xili cayaareed ayuu ka tirsan kooxda Barcelona waxaana u suura gashay inuu mudo gaaban todobaadkan 50-gool ku dhaliyo.
Ha iloobin Barcelona waxaa hogaamiye u ah Lionel Messi oo ah gool dhaliyaha aduunka ugu wanaagsan hadana Neymar dadaal dheeri ah ayuu sameeyay.
Weeraryahanka reer Brazil 87-kulan ayay ku qaadatay inuu 50-gool kooxda Barcelona ugu dhaliyo wuxuuna goolkiisii ugu dambeeyay ka dhaliyay kooxda Real Sociedad cayaar Barcelona 2-0 guusha ku qaadatay.
Hadii aan sharaxaad dheeri ah ka bixino goolasha uu Neymar dhaliyay 31-gool oo ka mid ah La Ligaha Spain ayuu ka dhaliyay (xili cayaareedkii hore 9-gool iyo xili cayaareedkan 22-gool).
Sidoo kale xidiga reer Brazil goolkiisii ugu horeeyay tartanka Super Cup-ka Span ayuu ka dhaliyay weliba waa gool Barcelona koobka gacanta u galiyay wuxuuna ka dhaliyay naadiga Atletico Madrid!
Marka laga hadlaayo koobka horyaalada Yurub Neymar wuxuu ka dhaliyay guud ahaan 11-gool weliba xili cayaareedkan ayuu 7-ka mid ah dhaliyay.
Ugu dambeyntii Neymar Copa del Rey isagana wuxuu ka dhaliyay 7-gool waxaana xusid mudan in 6-ka mid ah uu xili cayaareedkan dhaliyay.
Dhaqaaqa uu sameeyay Neymar ayaa lala yaaban yahay weliba xili cayaareedkan ayuu la yimid dhalin dheeraad ah waayo xili cayaareedkii hore guud ahaan 15-gool ayuu dhaliyay halka xili cayaareedkan uu maraayo 35-gool!!
