Kabtana xulka England Wayne Rooney ayaa muujiyay inuu yahay hogaamiyaha aysan ka maarmin xulka lagu naaneeso Sedexda Libaad kadib markii uu guusha xulkan gacanta u galiyay kulan ay 1-0 kaga badiyeen xulka Estonia isreeb reebka Euro 2016.
Xulka England wuxuu iska caabin xoogan kala kulmay xulka aadka u yar Estonia weliba xulka Estonia inta badan kulankan 10-cayaaryahan ayay ku dhameesteen madaama kaarka cas laga siiyay Ragnar Klavan daqiiqadii 48-aad.
Rooney ayaa laad xor ah xulka England u dhaliyay daqiiqadii 74-aad waxaana cayaarta wax weyn ka badalay Raheem Sterling oo badal kusoo galay.
Tababaraha xulka England Roy Hodgson ayaa ku farxay guuasha ay xulkiisa heleen madaama England haatan guuleesatay 3-kulan oo ay cayaartay Qaybta E waxayna leeyihiin 9-dhibcood.
Xidigaha England U Safteen Kulankan:
England: Hart; Chambers, Cahill, Jagielka, Baines; Henderson (Sterling 64), Wilshere, Delph (Oxlade-Chamberlain, 61); Lallana; Welbeck (Lambert 80), Rooney.
