Telegraph ayaa aad ugu dhuun daloolo qorshaha macalin Jose Mourinho xagaagan suuqa Yurub kaga soo dukaameesan doono.
Sidaa darteed wargeskan ayaa banaanka soo dhigay xog la isku haleen karo taasi oo sheegeyso in Chelsea ay xagaagan gudahiisa lasoo saxiixan doonto labo ka mid ah daafacyada kooxda Atletico Madrid.
Macalin Mourinho xili cayaareedka dambe John Terry kaliya iskuma haleen karo madaama Gary Cahil iyo Kurt Zouma uu gaabis weyn ku arkay xili cayaareedkii dhawaan soo idlaaday.
Sidaa darteed Chelsea waxay ku guuleesan rabtaa saxiixa daafaca reer Belgium Toby Alderweireld kaasi oo xili cayaareedkii dhawaa qaab amaah ah kula joogya naadiga Southampton.
26-jirkan milkiyadiisa ay leedahay kooxda Atletico Madrid ayaa diyaar u ah inuu dalabka Chelsea aqbalo kana hoos cayaaro macalin Mourinho.
Daafaca waaya araga ah Miranda isagana kooxdiisa Atletico Madrid ayuu ka codsan doonaa in xagaagan la iska fasaxo wuxuuna bar dhamaadkiisa noqon doonaa garoonka Stamford Bridge.
Daafacan u dhashay dalka Brazil ayaa ku faraxsan in waxqabadkiisa cayaareed uu kooxda Chelsea kusoo jiitay waxaana lagu qiimeeyaa 25-milyan oo pound.
