Macalin Jose Mourinho ayaa si rasmi ah saxaafada ugu sheegay in bisha Janaayo uusan cayaartooy cusub kooxdiisa Chelsea kusoo kordhin doonin madaama uusan rabin inuu niyad jab u keeno xidigaha haatan garoonka Stamford Bridge ku sugan.
“waa run xidigo nagu filan ma heesato, balse laacibiin aad u tayo wanaagsan ayaan heesanaa oo weliba dhalin yar sidaa darteed kalsooni buuxdo ayaan ku qabaa xidigaha aan heesto”
“Waxaan qiimeyn ku sameyn doonaa mashruuceena marka uu xili cayaareedkan dhamaado sidaa darteed Chelsea cayaartooy cusub kuma soo biiri doonaan bisha Janaayo sidoo kalena xidigaha haatan noo joogaan mid mid ka mid ah ma fasixi doono!”
Macalin Jose Mourinho xagaagii aan kasoo gudubnay ayuu lasoo saxiixday Diego Costa, Filipe Luis, Loic Remy iyo Cesc Fabregas waxayna kooxdan kusoo kordhiyeen awood dheeraad ah.
Madaama ay Chelsea haatan horyaalka England hogaamineyso wuxuu Mourinho doonayaa inuusan qalbi jab ku ridin xidigaha dadaalka xiligan muujinaayo taasi ayaa ka dhigan marka uu xili cayaareedkan dhamaado in qiimeyn lagu sameyn doono xidigaha ku sugan Stamford Bridge.
Standings provided by 