Frank Lampard ayaa naxdin iyo anfariir lagu soo dhaweeyay kulankiisii ugu horeeyay uu daawado kooxdiisa cusub ee New York City kadib markii ay dharbaaxo kulul kala kulantay dhigeeda New York Red Bulls.
Wuxuu tababarka kooxdiisa la bilaabi doonaa todobaadka soo aadan madama uu dhawaan yimid, balse ciyaartii xalay uu daawanayay waxaa sidoo kale ku wehliyay Gareth Bale, Patrick Vieira iyo Andrea Pirlo.
McNamara ayaa hogaanka u dhiibay kooxda New York City daqiiqadii 6-aad ee ciyaarta wuxuuna ahaa gool ka farxiyay Frank Lampard oo fadhiyay meel aan ka fogeen Andrea Pirlo.
Balse qeybtii dambe ayaa la harqiyay kooxda New York City waxaana goolal sadex ah ku dharbaaxay Wright-Phillips, Duvall iyo Miazga.
Dhanka kale Gareth Bale ayaa geero u muujiyay kooxda New York City oo isna ka mid ahaa dadkii usoo daawasho tagay ciyaarta walow macalinka da’yarta Manchester City, Patrick Vieira uu isna ku sugnaa madama labada kooxood ee New York City iyo Man City ay bah wadaag yahiin.
DAAWO SAWIRADA
