Xidiga khadka dhexe kaga cayaaro xulka France iyo naadiga Southampton Morgan Schneiderlin ayaa aqbalay inuu Man United ku biiro.
Sidoo kalena kooxda Southampton ayaa aqbashay dalab £25m wuxuuna noqon doonaa saxiixa ugu muhiimsan oo ay Man United sameyso marka laga soo tago Maphis Depay.
25-jirkan tayada wanaagsan ayaa garoonka Old Trafford imaan doono maalinta arbacada ah si uu tijaabo caafimaad u maro.
Morgan Schneiderlin waxay Man United todobaad walbo mushaar ahaan usiin doontaa £100,000 sidoo kalena heshiis 5-sano ah ayuu qalinka ku duugi doonaa.
Morgan Schneiderlin ayaa xili cayaareedkii dhawaan soo idlaaday kooxdiisa Southampton u saftay 29-kulan asigoo u dhaliyay 5-gool.
Waxaana lagu wadaa xidigan inuu xaliyo dhibaatada Man United dhanka khadka dhexe ka heesato sidoo kalena booska Michael Carrick ayuu buuxin doonaa xili cayaareedka nagu soo fool leh.
